Pipila sa mga lumupyo sa Barangay San Pedro ang naapektohan sa road right of way adtong tuig 2016 hinungdan nga temporaryo silang gi balhin sa Barangay San Vicente sa siyudad sa Panabo. Tungod sa panglantaw sa lokal nga panggamhanan kini gipalit na sa LGU Panabo nga inisyatibo ni Mayor Jose E. Relampagos aron aduna na silay permanenting puluy-anan. Ang luna adunay sukod na 2,600 square meters.

“Tungod gipalit ni sa LGU Panabo alang sa inyuha kay nakita ni Mayor Relampagos ang inyung kahimtang, hangyo lang namo na mag responsible ta sa atong obligasyon aron aduna patay bag-ong luna mapalit alang sa ubang informal settlers sa siyudad.” Matod pa ni Executive Secretary Josie Mary G. Relampagos isip representanti ni Mayor Joe sa orientation alang kanila adtong Marso 21, 2022.

Ang programa usa gihapon sa mga gipaningkamotan sa City Housing Section aron madungagan pa ang mga informal settlers nga mahatagan og tarong nga puluy-anan. Lauman sa mga benepisyaryo ang contract signing sa mga mo sunod na adlaw.

|Gen Alforque, CIO-PIRO
Graphics| F.Paculanang, CIO-MULTIMEDIA