Abril 18, 2022 – Misulod na og balik alang sa limited face-to-face class ang mga estudyante sa P. Changco Elementary School ug Sindaton Elementary School human sa duha (2) ka tuig nga paghulat.

Sa Sindaton Elementary School adunay dul-an 80 ka mga bata ang misulod sa unang adlaw sa F2F class nila nga gikan sa Kinder 1 hangtod Grade 3. Anaay mga school supplies nga gipanghatag sa mga kabataan aron dugang gamit sa ilang pagtuon, gihatagan usab sila og snacks sa mga magtutudlo isip pahalipay ka nila.

Tataw ang kalipay ni Sindaton ES School Principal Anbella G. Eleria kay mibalik nagyod ang F2F class sa ilang eskwelahan. Sumala pa niya, “I am so happy along with the teachers in Sindaton ES because finally, naa namiy estudyante nga makita kay gimingaw gyod mi nila.”Tataw ang kalipay ni Sindaton ES School Principal Anbella G. Eleria kay mibalik nagyod ang F2F class sa ilang eskwelahan. Sumala pa niya, “I am so happy along with the teachers in Sindaton ES because finally, naa namiy estudyante nga makita kay gimingaw gyod mi nila.”

Wala usab nagpaulahi si P. Changco ES Principal Feleciano S. Catbagan nga mipadayag sa iyang kalipay. Ani pa niya, nga dugay nilang gihandom nga mabalik nagyod ang F2F Class. “Almost 2 years wala miy madunggan nga mga tingog sa bata, kami-kami lang mga teachers ang mag istoryahay pero karon anaa na sila ug matudloan na namo ang mga estudyante sa personal.”

Sa P. Changco ES, adunay 50 ka mga estudyante ang misulod sa unang adlaw sa F2F class nga gikan sa Kinder 1 hangtod Grade 3. Nagmalaumon usab si P. Changco ES Principal Catbagan nga mabalik na puhon ang pagsulod sa Grade 4 hangtod Grade 6 nga mga estudyante sa ilang F2F class.

Dugang niini, nakigduyog si Public Schools District Supervisor Luzviminda L. Dulay sa duha (2) ka tulonghaan aron ubanan sila sa unang adlaw sa F2F classes. Ani pa niya, mawala nagyod ang kamingaw sa mga magtutudlo kay mibalik na ang mga kabataan alang sa F2F nga pagtuon.

✍️ Tim Acebedo, CIO-PIRO
📸 June Geraldo