“Bisan maglisod ko, dili nako na mabuhat. Mabuhi man ta og maayo ang pamaagi.”

Mao kini ang ingon sa ika-26th na Honest Panaboan na Pedicab Driver sa Barangay San Francisco na si Emmanuel C. Orfrecio.

Adtong December 6, 2022 adunay nabilin nga LV Long wallet sa iyahang pedicab na gipanag-iyahan ni Gia May G. Dela Rosa na taga Barangay New Visayas. Sa maong storya, nabilin ang kabtangan likod sa pedicab bago nabantayan ni Orfrecio ug sa mismong adlaw niya gatawagan ang tag-iya gamit ang vaccination card nga anaa sulod sa wallet.

Adunay sulod na mga importanteng ID, kwarta, ug ATM cards ang wallet. Sulti pa ni Dela Rosa, “Importante jud ni sa ako kay dili lalim maglukat og mga cards ug ID labaw na nga nagatrabaho pod ko. Naa gyud gihapon tawo nga matinud-anon karong panahona ug nagpasalamat ko kay manong sa iyahang gipakita na maayong buhat.”

Talagsaon na pamatasan ang gipakita ni Orfrecio ug siya nagsilbi isip ehemplo sa katawhan na gamiton sa maayo ang buhat aron luwas sa daotang konsensya. Lakip niini, aduna pud siyay nadawat nga plaque ug token na gikan sa opisina ni City Mayor Jose E. Relampagos pinaagi ni Assistant City Administrator Brenda A. Sauping.

|M. Lagura
Photos: Q. Villahermosa