Wala nasayang ang pagpaningkamot sa Lokal nga Panggamhanan pinaagi sa liderato ni City Mayor Jose E. Relampagos nga mahatagan og hapsay, malinawon, ug mauswagon nga siyudad ang katawhan tungod giila ang Panabo City nga Most Sustainable and Liveable City sa 2022 sa gipahitabo nga Nation Builders & Mosliv Awards ilawom sa Sustainable Standards Incorporated. Usa si Mayor Relampagos sa pipila ka mga nominadong mayor sa nasod nga gihatagan sa maong ganti.

Dugang sa gidawat ni Mayor Relampagos kay ang Honorary Local Chief Executive tungod sa iyang madaogon nga pagdala sa siyudad sa Panabo ug iyang pag-implementar sa mga proyekto ug programa nga niabot gayud sa nga katawhan nga anaa sa lagyong barangay.

Ang basehan sa Nation Builders and MOSLIV Awards nga mahatag ang mga ganti ilawom sa Blue Category mao ang:

• Equitable Use of Land and Resources
• Disaster Preparedness, Risk Reduction, Crisis Management, and Resiliency
• Infrastructure and Service Connectivity to the Public
• Mobility for Affordable, Accessible, and Safe Transport System
• Public Protection and Safety (Peace and Order)

Isip representante ni Mayor Relampagos, personal nga gidawat ni Executive Assistant III Jo-Anne R. Capuyan ang mga ganti sa OKADA Manila, Parañaque City adtong Marso 19, 2022.
Madaogon usab ang Provincial Government sa Davao Del Norte tungod giila sila nga Most Sustainable and Liveable Province ug Governor of the Year para kay Governor “Kuya Gob” Edwin I. Jubahib.

| CIO Panabo