Atol sa selebrasyon sa Crime Prevention Week 2020, gipasidunggan sa PNP Panabo, DILG, ug Public Order and Safety Section ang 12 ka mga barangay kapitan sa siyudad sa Panabo mahitungod sa ilang hingpit nga pagbantay sa border Davao City-Davao Del Norte atong panahon sa striktong pagkwarantina batok COVID-19 transmission.

Dako sad og pasalamat si City Mayor Jose E.Relampagos pinaagi kay City Administrator Pedrito Misoles sa ilang aktibong pag implementa sa mga check points.

Ingon pa sad ni San Vicente Barangay Captain Liza D. Bucala nga nakita niya ang dedikasyon sa mga empleyado sa panahon sa pandemiya. “Nagpasalamat mi sa City ug sa PNP kay nakita amoang kahago during pandemic time.”

Mitambong sad si City Local Government Operations Officer VII Danilo M. Hernandez, POSS Officer Roqoues Cimafranca, PSMS Antonieta Patricio, ug SF01 Ramil C Rivera.

|Gene Alforque – CIO/PIRO