Anaa sa 140 ka mga community members ang misalmot sa gihimong Pre-Signing Orientation sa City Hall Lobby adtong Octubre 3,2020 kauban ang Urban Development and Housing Section nga gipangulohan ni OIC-Housing Officer/Planning Officer III Cielito Miano, EnP.
Gipakita sa mga beneficiaries ang ilahang mga kontrata daan aron makoreksyonan kung adunay makitang problema sa spelling sa ngalan ug interchange lot assignments. “Amoa gi initial og patan-aw kanila ang unom ka sets per beneficiary para ma review og makita bago mag contract signing proper ug gipare-checked ang actual locations,” hisgot ni Miano. “We found out nga naay mga nag interchanged occupants. Mao tong amoa napud gipa recheck ang locations sa Geodetic (Engineer).”
Opisyal na kining masugdan human gipagawas ang Resolution No. 678, Series of 2020 sa Sangguniang Panlungsod o ang “Approving the Preliminary Subdivision Development Plan (PSDP) of Relampagos Village for the 140 Lots Situated at Barangay San Fransisco, Panabo City and to Authorize the LCE to Issue Develpment Permit Upon Compliance of the Necessary Requirements”. Ang pag-apruba sa PSDP maoy paagi nga maka comply ang matag panimalay sa requirements sa utility companies. Isa usab kini sa mga importanteng documents nga basis pagpasign sa contract, lakip na ang pag-issue og certificate of awards.
Ang mga lumulupyo sa Relampagos Village katong informal settlers nga anaa sa hazard prone areas sa barangay JP Laurel, Cagangohan, ug Sto. Nino. Sumala pa ni Miano, “Ang uban niini apektado sa mga development projects like kalsada funded by national government agencies ug ang uban usab apektado sa drainage projects.”
Aduna sad plano si City Mayor Jose E.Relampagos nga tukoran ang Relampagos Village og usa ka Multi-Purpose Building ug Housing Program Community Center. Duna kini park and playground ug standard na basketball court.
Aron maka apil ang tanan ug dili mosupak sa health protocol, gitunga sila og duha (2) ka batches. Usa ka batch sa buntag ug usa sa hapon.
Laoman nga mag official signing sa contract sunod simana kauban si Mayor Relampagos.
| cio
