Libreng PSA birth certification ang nahatag sa 140 ka mga bata sa Barangay Southern Davao adtong Pebrero 9,2021 subay sa programa ni City Mayor Jose E. Relampagos nga “Rehistro mo, Sagot ko” pinaagi sa City Social Welfare and Development Office (CSWDO).

Ang programa nagprayoridad sa mga studyante sa elementary schools nga walay mga birth certificate. Matod pa sa Program Focal Person na si Josephine Nazarrate, “Libre ang PSA. Gi-free ni Mayor with the coordination sa City Civil Registrar. Ang priority niini mao ang mga bata sa elementary ilabina tong mga wala gyud birth certificate.

Adunay PSA form ang gihatag sa CSWDO sa matag barangay. “Sa barangay sila magkuha sa form kung apil sila sa nakabenipisyo niini tungod naa gihapon qualification sama sa (indigency), nagskwela sa public school nga elementary, ug nagpuyo gayud ani nga barangay” dungag pa ni Nazarrate.

| Ivory Dawn O. Balogbog, CIO – PIRO
📸 | Aljun Castilla – CIO