Sa tuig 2020, 15 ka kooperatiba ang pwede mahatagan og tax exemption diin lima (5) niini ma-exempt sa local taxes, fees, ug mga charges ug napulo (10) ang ma-exempt sa Real Property Tax.

Gibutyag ni Senior Cooperative Development Specialist Elvie Marie C. Sollarano nga “Ang tax exemption usa ka benefit ug privilege sa usa ka cooperative na need nila ma acquire.” Ang usa ka bonified cooperative nga registered sa Cooperative Development Authority ang maka benefit sa prebilihyo.

“Ang maka-apply lang niini mao ang mga primary cooperative na compose diri satong siyudad,” dugang ni Sollarano.

Alang sa pag-avail sa Real Property Tax exemption, magdala lang ug Written Application/Letter of Intent sa City Mayor, kauban ang Certificate of Registration, Certificate of Good Standing Issued by CDA, Mayor’s Permit,
Certified true copy of land title from ROD of ownership, Community Tax Certificate for Cooperation ug kung applicable, Proof of payment rentals for use of gov’t facilities.

Alang usab sa pag-avail sa exemption sa local taxes,fees, ug charges, magdala lang og written application/letter of intent addressed sa City Mayor, Certificate of Registration, Certificate of Good Standing issued by CDA, Mayors permit, ug Community Tax Certificate for Cooperation.

Ang maong tax exemption subay sa Republic Act No. 9520 o ang Philippine Cooperative Code of 2008 ug sa Republic Act No. 7160 o ang Local Government Code of 1991, ug Memorandom Circular No. 2010-120 dated October 20, 2010.

Laoman nga sa Agusto 2020 sugdan ang registration sa tax exemption alang sa tuig 2021.

Para sa dugang pangutana, mamahimong mobisita sa 2nd Floor, DA Building, Old Public Market, New Pandan, Panabo City.

| Mel Hilario CIO-PIRO