Nagsugod na og pangandam ang City Government of Panabo sa umaabot nga 18-day nga kampanya karong umaabot nga Nobyembre hantod Disyembre 2020 batok sa Violence Against Women (VAW) o ang pag-abuso sa kababaehan. Tumong niini ang paghatag og pahibalo nga ang pag-abuso sa kababaehan usa ka dakong problema sa katilingban ug adunay balaod nga moprotekta kanila.

Matod pa sa Philippine Statistics Authority, usa (1) gawas sa upat (4) ka filipina, nga ga edad og 15-49 anyos, ang nakasinati og physical, emotional o sexual nga pag abuso sa ilang mga bana o partner. Gipaningkamotan karon sa Gender and Development Office sa Panabo nga gipangulohan ni Libertad Regis nga ang kampanya batok sa VAW maabot sa tanang kababaehan apil na ang mga batang babae.

Matod pa ni Regis, kung adunay nakasinati karon og abuso sa ilang bana o partner, ang VAW Desk sa barangay ang pwedeng madoolan ug masumbongan. Ang VAW Desk Officer kay na trained na sa LGU ug adunay saktong kahibalo kabahin sa mga balaod sa VAW.

Kauban sa GAD ang uban pang mga opisina sa LGU sa pagmugna sa mga aktibidades sa 18-day Campaign to End VAW.

| cio