Marso 1, 2021 – Opisyal ng gisaulog ang 20th Araw ng Panabo nga adunay temang “Kalingawan Bisan sa Distansya, Pahiyom Likod sa Maskara, Kadaugan Luyo sa Pandemya”, diin gisugdan kini sa usa ka ecumenical mass ni Rev. Fr. Alan O. Alendajao nga gipahitabo sa Panabo City Multi-Purpose Gym. Gitambongan kini ni Mayor Jose E. Relampagos inubanan sa ubang opisyales sa siyudad sa Panabo.

Gideklara ni Mayor Joe ang opisyal nga pag-abre sa 20th Araw ng Panabo pinaagi virtual na deklarasyon ug matod pa niya, “Dako akong pasalamat sa atong Buhing Diyos kay naka-celebrate ta sa atong 20th araw ng Panabo. Luyo sa mga pagsulay ug mga kalisdanan, naa gihapon tay mga butang na dapat pasalamatan ug ikalipay. Karon, atong isaulog ang bunga sa atong pagtinabangay ug kadaugan”.

Ang pagselebrar sa mga aktibisades ipaagi sa online platforms nga mahimong matan-aw sa City Government of Panabo facebook page ug Araw ng Panabo facebook page.

Alang sa kompletong virtual opening sa 20th Araw ng Panabo, mamahimong iclick ang link na https://www.facebook.com/panabocityofficial/videos/834362003819071.

|Sonny L. Calizar, CIO – PIRO
📸| F. Paculanang & A. Castilla