Opisyal nang giablihan ang selebrasyon sa 21st Araw ng Panabo karong adlawa Marso 1,2022 subay sa temang “Pagsaulog sa Kalampusan, Padayon Panaboan.”

Ang pag-abli sa selebrasyon, gisugdan pinaagi sa Motorcade nga gipartisipar sa mga managlain nga ahensiya sa gobyerno, civic society organizations, ug mga asosasyon. Ang TMU, BFP, PNP, AFP, ug army ang nanguna sa maong kalihokan.

Pag-abot sa gym, gisugdan dayon og Mass nga gipangunahan ni Sto. Niño Parish Assistant Priest Raymund Suela ug mihalad sa santos nga Misa isip paghatag og panalangin sa tibuok bulan nga kalihokan sa Araw ng Panabo. Anaa sa misa si City Mayor Jose E. Relamlagos, first lady Josephine G. Relampagos, Executive Assistant III Jo-Anne R. Capuyan, City Administrator Pedrito A. Misoles, City Councilors: Hon. Janno Paulo P. Gentiles, Hon. Emeterio E. Blase, ABC President Conrad Theodore A. Matutino, IPMR Rodrigo A. Ambasan ug Executive Assistant IV Anselmo “Emong” Junio isip representante ni Governor Hon. Edwin I. Jubahib.

Opisyal na dayon gi-abri ni Mayor Relampagos ang Araw ng Panabo kauban ang mga performers gikan sa AQC performing arts studio ug ang mga kandidata ug kandidato sa mga umaabot nga local pageants.

Gawas sa virtual channel sa City Government of Panabo FB page, anaa sa Panabo Gym ang mga LGU Employees, Department Heads, Barangay Functionaries, PNP-Panabo, BFP-Panabo, Maritime Police, Coastguard, BJMP, DepEd Panabo, ug ang mga NGO, Kooperatiba, ug asosasyon.

|R.Dulla/CIO-Research Unit
|📸R.Cayas/CIO-Multimedia