Gipahitabo ang Virtual Trabaho Negosyo Kabuhayan (TNK) program adtong Marso 5,2021 sa Panabo Gym subay sa 20th Araw ng Panabo nga gipartisiparan og 324 applicants sa siyudad sa Panabo. Tumong sa TNK Program ang makahatag og panginabuhian sa mga katawhan sa Panabo pinaagi sa pakig-alayon sa Department of Labor and Employment (DOLE) sa Public Employment Service Office (PESO) ug Department of Trade and Industry (DTI).

Gipahito usab ang virtual job fair kung diin online ang interview sa mga aplikante. Sa laing bahin, personal nangadto ang mga aplikante sa livelihood programs aron mahatagan og giya sa creative balloon making, perfume making, ug fabric conditioner making.

Nagpahigayon usab og Basic Entrepreneurial Orientation alang sa mga livelihood applicants nga gusto magnegosyo ug magkuha og business permit aron legal ilang negosyo.

Alang sa uban pang impormasyon ug pangutana, mamahimong mobisita sa PESO sa Panabo Parks and Plaza o sa ilahang PESO Panabo City Facebook Page.

|Sonny L. Calizar, CIO – PIRO
📸|Francis Paculanang