Unang Virtual Live Streaming gipahitabo atol sa pag selebrar sa 53rd Araw ng Davao del Norte subay sa pagsunod sa Executive Order No. 42 (MGCQ).

Gisugdan ang pag selbrar pinaagi sa usa ka Misa Pasasalamat o Thanksgiving Mass aron ipasalamat sa Diyos ang mabungahong katuigan sa Probinsya sa Davao del Norte labi na sa kasamtangan pagdumala ilalom sa administrasyon ni Governor Edwin I. Jubahib.

Gihan-ay sad ni Governor sa iyang “Ulat ni Kuya Gob sa Probinsya” ang mga proyekto ug programa nga nahimo niya sa mga LGU apil na ang mga gigahin na budget niini.

Gipasigarbo ni Governor ang mga nabuhat luyo sa iyang administrasyon labaw na karun nga anaay hulga sa Pandemiya. “Labi na jud karun naa nay Hatid Probinsya, dili man pwede nato sila dili dawaton kay igsoun mani nato sila, gani maskin lisod na kaayo ang budget atong gipaningkamotan nga maka buhat tag isolation faclity para kanila.”

Gi siguro niya nga tanang naka linya nga mga proyekto mapaningkamotan nga ma sugdan og mamalampuson.

Ang virtual audience sa Panabo City girepresenta sa mga konsehal na sila Hon. Janno Paolo Gentiles, Hon. Gregorio “Banjong” Dujali, III, Hon. Flopone Royle Catalan, Hon. Dizon Namuag. Anaa sab ang mga city government department heads na gipangunahan ni City Administrator Pedrito Misoles inubanan ni Executive Secretary to the City Mayor Josie Mary G.Relampagos.

|Gen Alforque/PIRO
|📸 – Aljun Castilla