Sa umaabot nga Mindanao Railway Project Tagum-Davao-Digos segment, giimbita ni City Mayor Jose E.Relampagos ang mga nagkalain-laing mga opisina sa City Government of Panabo kauban ang Department of Transportation o DOTr Region XI, National Housing Authority, ug Department of Human Settlements and Urban Development aron planohon ang pagbalhin sa mga nubentay-uno (91) ka informal settler nga mga pamilya.

Matod pa ni Engr. Luisita May Monje gikan sa Department of Human Settlements and Urban Development nga kinahanglan nga magbuo og usa ka Local Inter-Agency Committee o LIA aron maoy mokoordina sa mga pamilya sa mga informal settlers nga apektado sa proyekto. Ang maong Local Inter-Agency Committee ang mo susi ug mosala sa mga rekwisito sa pagbalhin og puy-anan.

Responsibilidad usab sa LIA nga motabang sa paghan-ay og malinawon ug makatao nga relokasyon.

Gilaoman nga adunay mahitabo nga Local Shelter Plan Workshop karong Agosto 2021.

Nitambong sa meeting sila City Councilor/ City Housing Coordinator Wahid Ranain, City Administrator Pedrito Mesolis, DHSUD-PHSD OIC division head Engr. Luisita May Monje, Home Owners Federation President of Panabo Epefanio C. Loyola, kauban ang mga department heads.

|CIO
📸- Aljun Castilla / Erick Etis