Mi-abante ang vaccination team sa RESBAKUNA Program sa Barangay Salvacion Elementary School ug Davao del Norte State College (DNSC) diin 918 ka mga indibidwal ang nabakunahan ilawom sa A1-A4 nga mga DOH Priority Groups. Sila mitambong alang sa ika-duha nga dosage.

Sumala pa ni National Immunization Coordinator Mafel Mugas, RN nga oras anaa na ang bakuna gikan sa Department of Health, naka andam na ang mga Barangay na adtoan aron ipahamtang ang pagbakuna. “Whatever available vaccine, that would be the best vaccine,” dugang pa ni Mugas nga nagpahinumdom nga dili angay mamili og bakuna kay ang mas importante kay mabakunahan na.

Mahinumduman nga nag-andam si City Mayor Jose E. Relampagos og budget alang sa pagpalit og bakuna nga mo nga mokantidad og P30,788,530.79 ilawom sa DRRM nga badyet. Gilaoman nga makapalit og 25,000 ka bakuna ug usa (1) ka refrigerator storage samtang 3,000 ang mapalit gikan sa Special Trust Fund nga mokantidad og P4,100,000.0 og ginahulat na lamang ang pag aproba sa Resolusyon gikan sa Sangguniang Panlungsod.

Padayon ang pagpahinumdom sa katawhan nga magpalista lamang sa mga Barangay Health Centers sa mga bout magpabakuna.

| M. Gentiles