Hunyo 24, 2022 — Gihatagan ni City Mayor Jose E. Relampagos og Accident Insurance ang Urgent Responders (UR) alang sa kapin 100 ka mga miyembro niini. Mismong si Mayor Relampagos ang mitunol sa maong insurance kay UR President Cezen M. Paculanang sa City Mayor’s Office, 3rd Floor New City Hall, Panabo City.
Usa kini ka suportang gihatag ni Mayor Relampagos kanila isip mga boluntaryo nga naga responde sa panahon nga adunay kalamidad ug mga aksidente nga nagakahitabo sa siyudad sa Panabo.
Ang Urgent Responders padayon sa ilang tinguha na makatabang sa mga katawhan dili lamang sa siyudad sa Panabo apil na ang mga katawhan sa laing lugar nga nanginahanglan.
Mahinumduman nga usa usab ang Urgent Responders sa mitabang panahon sa Bagyong Odette adtong tuig 2021.
|IDOB, CIO-PIRU
SMC |F. Paculanang, CIO-MULTIMEDIA
