Enero 17, 2022 – Gihisgutan sa RaJOE Serbisyo ang mga probisyon na gilangkuban sa Executive Order (EO) no. 02 s, of 2022, kabahin sa pagdeklara og Alert Level 3 for COVID response adtong Enero 14 sa tibook probinsya sa Davao del Norte.
Sa estado sa Alert Level III, strikto ug limitado ang gipahayag na mga polisiya niini isip nagataas ang kaso sa COVID-19 sama sa pagtugot sa pagbiyahe pasulod ug paggawas sa siyudad gawas lang kung adunay mga restriksyon na gipahayag ang LGU. Limitado ang nag-edad 18 pababa o mga taong anaa sa vulnerable group na mugawas sa panimalay gawas lang kung adunay paliton na essential sama sa pagkaon ug medisina. Striktong pagsunod sa kapasidad nga 30 porsiyento ka-tao alang sa indoor o closed venue ug 50 porsiyento ka-tao sa outdoor o open venue.
Ginabawal ang panagtapok na senaryo sama sa Face to face classes sa basic education gawas kung naaprubahan sa IATF, mga padula nga kinahanglan ug pisikal, mga perya o kalingawan, mga lugar na kinahanglan og live audience ug performer, gaming establishments, betting shops, ug panagtapok nga dili sakop sa usa ka panimalay.
Dugang pa ni Asst. City Health Officer Dr. Eranie L. Pangilinan, na katumbas sa granular lockdown ang localized ECQ, “depende sa unsa na area mapa-purok, street o compound ang nakita nga adunay taas na kaso sa COVID, pwede kining i-lockdown. Only the local chief executive has the power to declare such granular lockdown.”
Sa pikas bahin, gisaysay sad ni City Administrator Pedrito A. Misoles na pwede bawion ang Safety Seal certificate sa usa ka establisyemento kung nakita nga adunay violation kini base sa EO no. 2.
Nagpahimangno ang lokal nga panggamhanan sa siyudad nga magpabakuna na, magbinantayon sa lihok ug kaugalingon aron malikayan ang pagkuyanap sa COVID-’19 virus.
Sa gusto motan-aw sa katibuk-ang live coverage, bisitaha ang link: https://fb.watch/aAMLsMTfmO/
Sa dugang na kahibalo kabahin sa Executive Order No. 02, s, 2022, i-click ang link: https://m.facebook.com/story.php?story_fbid=258034829769446&id=100066887914850
l M. Lagura
Photo: F. Paculanang
