Nasungkit sa Altos (Davao City) ang kampyonato human nakigbakbakan sa pito (7) ka mga partisipante gikan sa Davao Region sa gipahigayong Invitational Volleyball Tournament adtong Disyembre 10-11 ning tuiga nga gipahitabo sa Freedom Gym, Parks and Plaza, Barangay New Pandan, Panabo City.

Midawat og P35,000 ang Altos, samtang P25,000, P20,000 ug P15,000 ang nadawat sa first placer hantod sa third placer. Anaa sa unang pwesto ang RVPA (Tagum City), ikaduha ang LGU Panabo City, ug ikatulong pwesto ang DORSU (Mati City). Wala’y miuling luhaan tungod adunay consolation prize nga P2,000 ang wala nakadaog nga mao ang KB Chronos (Lupon, Davao Oriental), Minai Volleyball (Padada, Davao del Sur), TOVC Jaguars (Sto. Tomas, Davao del Norte), ug Samal Selections (Samal City). Aduna usab mga minor award sama sa best blocker, best server, ug MVP nga midawat ug P1,500.

Ang maong kalihokan, inisyatibo sa Lokal nga Panggamhanan sa siyudad sa Panabo pinaagi sa opisina ni City Mayor Jose E. Relampagos. Sa katuyoan nga mas mapakusgan pa ang sports sa Panabo ug makahatag og dugang kumpyansa sa mga atleta nga anaa ang Panabo City. Dili lamang volleyball ang gipahigayon apil na usab ang dulang basketball.

Atol sa pag-award sa mga mananaog ug sa tanang mipartisipar ana si Executive Secretary III Jo-Anne Relampagos-Capuyan sa pagtunol niini dala ang pagpaabot sa iyang pagpasalamat ug pag congratulate kanila.

|IDOB
Photos| Rommel Cayas, CIO-Multimedia