Ang Republic Act 11313 o ang Safe Spaces Act nga ginatawag sad nga “Anti-Bastos” Law dili lang para sa kababaihan apan para kini sa tanang klaseng gender. Diin wide ang coverage niining balaoda, mapampubliko man ug sa social media o sa online harassments.

Mao kini ang gihisgutan sa Ang Panabo Karon Program sa Radio 911 subay sa 18-Day Campaign to End Violence Against Women kauban ang Administrative Officer IV sa City Legal Office nga si Ma. Victoria C. Deiparine ug DSWD City Link Jharon S.Clave.

Gipasabot usab ni Deiparine nga respetohon ug protektahan ang matag kababaihan ilabina usab ang mga miyembro sa LGBTQ+ kay giconsider kini sa R.A 11313. Ginabawal ang pagsitsit, taghoy o pagtawag kanila sama sa “bayot”. Dugang pa niini nga kung mahimo “first name basis” sa pagtawag kanila.

Gilangkuban usab sa maong balaod ang pangbastos sa social media sama sa mga “utang” nga ipost pati ang panagway sa tao.
Matod ni Deiparine, pwede hatagan og Aresto Minor o Aresto Mayor ang mosupak sa balaod.

Alang sa dugang kahibalo, pwede tanawon ang radio program sa link: https://www.facebook.com/PTVDavnor/videos/201583868218054

#VAWFreePH

Margot Lagura| CIo-GIP
Ivory Dawn Balogbog| CIO – PIRO