August 4, 2021 – Sa gipahigayon nga Resbakuna Program, ang Panabo City Health Office naghatag og bakuna sa mga Persons Deprived of Liberty (PDL) sa Bureau of Jail Management and Penology nga nahimutang sa Barangay Salvacion, Panabo City. Unang gibakunahan sa CHO ang mga PDL nga A3 o katong adunay mga sakit (persons with comorbidities).

“Nagpasalamat ko sa atong City Mayor sa CHO og sa Vaccination Team labin na ang mga PDL gitagaan og chance nga ma priority sa atong gobyerno nga hatagan og proteksyon even though they are less fortunate our brothers and sisters behind bars,” sulti pa ni Senior Jail Officer I Henry Aguisando, RN sa Panabo City District Jail.

Ang paghatag og bakuna sa mga PDL usa ka dakong importansya alang sa ilang proteksyon panlawas labi na nga gipangandaman sa BJMP ang pagbalik sa face to face visitation sa ilang mga pamilya.

Dugang pa ni Aguisando nga 100% sa mga PDL ang pursigido nga magpabakuna kontra COVID-19.

Sa karon, anaa na sa 58 ka mga PDL ang nabakunahan sa CHO.

| M. Gentiles
📷 R. Cayas