Enero 6, 2023 – Nanumpa sa atubangan ni City Mayor Jose E. Relampagos ang 23 ka mga estudyante isip mga bag-ong opisyales sa Institue of Leadership, Entrepreneurship, and Good Governance Students Organization (ISO) sa 3rd floor, Mayor’s Conference Room, Panabo City Hall.

Ang ISO usa ka school-based na gikan sa Davao Del Norte State College (DNSC) diin adunay tumong na kalamboan sa estudyante, organisasyon, ug komunidad. Gisaysay ni ISO Governor Joshua R. Lizada na nagalayon sila na mahatag ang episyenteng serbisyo sa ilahang konstituwente lakip na ang pagpatuman sa mga programa nila sama sa “Thematic Advocacies”.

Gilangkuban ang maong adbokasiya sa student development program, organizational development, community development, ug project development diin nagatutok kini sa mga proyektong maipabilin sa institusyon, serbisyong mahatag gawas sa komunidad, ug pagpalambo sa kaugalingon isip tigkat-on.

Ingon pa ni Lizada, “We are very thankful na apil mi sa LYDO because we have strengthen our connection outside our school especially in the city to widen the reach of our program.” Nahimong aktibo ang organisasyon kaniadtong November 7, 2022 tungod sa pag-aproba ug akreditado kanila sa National Youth Commission.

Atol sa kalihokan, gihatagan usab ang ISO ug Certificate of Accreditation nagapamatuod sa opisyal na pag-ila kanila sa Lokal nga Panggamhan.

Anaa ang presensya ni Executive Assistant III Jo-Anne Relampagos-Capuyan, ug Acting Local Youth and Development Officer Lester John Bulfango alang sa pagpanumpa.

Photos| Q. Villahermosa
|M. Lagura