Oktubre 10, 2022 — Abri na alang sa katawhan ang bag-ong building sa LTO Panabo District Office nga nahimutang sa likod sa Panabo City Hall diin usab gipahigayon ang blessing ug inaguration apil na ang pagturn-over sa maong building tali sa DPWH ug LTO Panabo nga gipangunahan ni Supervisor/OIC LTO Panabo Elicia A. Cabunillas sa pagdawat sa Key of Responsibility sa paggamit sa maong building ug pag-amoma niini.

Gisugdan sa ribbon cutting kauban si Congressman Hon. Alan U. Dujali ang kalihokan ug gisugat ni LTO XI Regional Director Neil Canedo sa pag welcome ang tanang bisita sa bag-ong opisina sa LTO sa siyudad sa Panabo apil ang pagpasalamat sa mga taong nagpaluyo alang sa katumanan sa pagtukod niini. “Atong opisina adunay overall quality ug sincere service to the people. Atong serbisyohan ang katawhan dili lang ang Panabo apil na usab sa ubang katawhan sa kasikbit nga mga lugar,” ingon pa ni Canedo.

Anaa si Councilor Hon. Janno Paolo Gentiles Isip representante ni City Mayor Jose E. Relampagos, sa pagpaabot sa dakong suporta ni Mayor Relampagos sa tanang kalihokan sa LTO Panabo apil na usab ang pagpasalamat, na sa kadugayon natukod na gayud ang maong building nga mo cater sa mga katawhan sa siyudad sa Panabo ug mas gipadoul kanila ang serbisyo sa LTO ug apil na sa di madugay, aduna na’y one-stop-shop nga ma-isa nalang ang serbisyo sulod sa atong City Government compound.

Kahinumduman, nga sa gipagawas nga Resolution No. 175 series of 2021, gitugutan ni City Mayor Relampagos ang paggamit sa luna sa gobyerno nga nahimutang sa luyong bahin sa New City Hall of Panabo City nga misukat og 1000 sqm.

Sa maong kalihokan ana ang presensya sa mga konsehales nga sila Hon. Dizon Namuag, Hon. Christian Dujali, Hon. Ian Rolet Catalan, Hon. Atty. Jamail Macla, Hon. Engr. Ronald Ang, ug Hon. Sherlou Bangoy. Anaa usab sila Executive Assistant III Jo-Anne Relampagos-Capuyan, City Information Officer Michael Angelo Resueño, Schools Division Superintendent Reynante A. Solitario, ug TMU Head Alvin Ybañez.

|IDOB
A.Castilla & Q.Villahermosa, CIO-Multimedia