Ang Police Office sa Probinsya sa Davao del Norte nagpahigayon og Turn-Over of Command Ceremony alang sa mga bag-ong Force Commander sa Panabo City Police Station (CPS) ug 2nd Davao Del Norte Provincial Mobile Force Company (DNPMFC) sa Brgy. New Malitbog adtong Mayo 27, 2024 sa Panabo City Police Station, Brgy. JP Laurel.
Ang outgoing na si Acting Force Commander 2nd DNPMFC PLTCOL Jess Anthony B. Maghirang maoy magsilbing bag-ong Chief-of-Police sa Panabo CPS. Samtang si outgoing Panabo COP PLTCOL Jun A. Bautista, maoy bag-ong Acting Force Commander sa 2nd DNPMFC.
Ang maong kalihokan na pag-relieved ug pag re-assigned sa duha ka Force Commander subay sa Pursuant Order 243 nga gipermahan karon lamang adlawa.
Gani, guest of honor usab si City Mayor Jose E. Relampagos sa maong programa ug misaysay nga kung kinsa man ang mahimong Chief-of-Police sa Panabo City suportado kini sa Lokal nga Panggamhanan ubos sa iyang pagdumala. Nagpasalamat usab siya sa outgoing COP PLTCOL Jun A. Bautista sa nahimong performance niya atol sa PNP Panabo Station nga gigawaran isip Best PNP Station sa Rehiyon. Dugang pa ni Mayor Relampagos, “Manghinaot ko sa bag-ong COP sa Panabo nga ma-perform nimo unsay angayan alang sa katawhan ug sa pag-exercise sa serbisyong pantay kauban ang kapulisan tungod gi-serbisyohan tas gobyerno ngadto sa katawhan.”
Sa ulahing bahin, gi-anunsiyo usab ni Mayor Relampagos sa mga kapulisan ang planong pagdungag og bag-ong upat (4) ka unit nga patrol car alang sa dugang pagmonitor sa pagpahamtang og peace in order sa siyudad sa Panabo.
Ang maong kalihokan gitambongan nila City Councilor Hon. Omar Ranain, Barangay Captain Hon. Orlando Bocal Sr., ug uban pang mga kapulisan gikan sa probinsya sa Davao Del Norte, PNP Panabo, ug 2nd DNPMFC.
|MCG
Photos| R. Libaton & Louie Panagsagan
#ServicetoPanaboansServicetoGod
Categorized in Featured