October 27, 2022 – Aduna nasad bag-ong gi-turnover ang LGU Panabo nga one-storey school building nga adunay duha (2) ka classroom with comfort room ngadto sa Nanyo Central Elementary School. Gisugdan kini og blessing and cutting of ribbon nga gipangunahan ni Executive Secretary Josie Mary G. Relampagos isip representa ni Mayor Jose E. Relampagos kauban si Brgy. Captain Hon. Demetrio C. Maligro sa Barangay Nanyo.

Ang maong building mo kantidad og P3 Million ilawom sa Local School Board nga pundo sa Lokal nga Panggamhanan sa Panabo. Ang maong proyekto, apil sa 10-point Executive Agenda ni City Mayor Jose E. Relampagos nga Educational Support.

Mismong si School Head Johanna P. Linterna ang midawat sa key of responsibility nga nagpamatuod sa pag amping sa bag-ong classrooms gikan sa LGU Panabo.

“Ang atong mga bata mao jud ni atong mga future leaders, kinahanglan nato ma provide sailaha ang edukasyon nga adunay kwalidad. Dako gyud kaayo among pasalamat kay kani bitaw nga building, every year nagapangayo bitaw ang city samo mga kinahanglan mag letter rajud me unsa among kinahanglan sama sa school building, perimeter fence, unya ila gyud ng gihatag”, sulti pa ni School Head Johanna Linterna.

Anaa ang presensiya nila City Administrator Pedrito A. Misoles, Licensing Officer III Juliet S.Nacario, TMU Head Alvin C. Ybañez Schools Division Superintendent Dr. Reynante A. Solitario, DepEd personnel Erna Lumandong, mga magtutudlo sa Nanyo ES, ug mga PTA Officers.

#ServicetoPanaboansServicetoGod

| M. Gentiles
📸 R. Cayas