Nagpahigayon og Blessing and Turn Over Ceremony alang sa bag-ong classroom building adtong Pebrero 10, 2022 sa Katualan Elementary School. Usa kini ka one-storey building nga adunay duha (2) ka classroom ug duha (2) ka comfort rooms para sa elementary students.

Ang Katualan Elementary School usa sa mga tulunghaan nga nahimutang sa lagyong dapit sa siyudad na suportado sa Lokal nga Panggamhanan pinaagi sa pag-konstrak og dugang na classroom na magamit sa umabotay na face to face classes. Aduna kini budget nga P2,600,000.

Matod ni School Division Engineer Eric Valencia isip representante ni DepEd School Panabo City Division Superintendent Reynante Solitario na mapasalamaton ang DepEd sa walay sawa na suporta sa LGU sa edukasyon ilabina ang pagpanaghisgot ug mga napatuman na mga school facilities, “Dili lang sa Barangay Katualan ang nahatagan sa administrasyon ni Mayor Relampagos, halos ubay-ubay na pud na mga Barangay ang (natukuran) og mga school building.” Nagmalaumon usab si Valencia na sa sunod katuigan aduna pay umaabot na mga pagkonstrak ang mahitabo sa lungsod.

Dugang pa ni School head Winston Mark Coquilla, “It is our deepest grattitude that this project was already realized since the past years kay kini siya dako kaayo kahimuan sa amoang skwelahan. Dilapidated na ang isa ka linyahan nga classrooms.” Nagpaabot usab siya og patimbaya kay sa kadaghan nga katuigan ang milabay, nakita gyud sa administrasyon ni City Mayor Jose E. Relampagos ang kahimtang sa ilahang tulunghaan.

Anaa sa kalihokan si City Administrator Pedrito A. Misoles isip representante ni City Mayor Jose E. Relampagos, PNP Chief of Police Atty. Verna L. Cabuhat, Executive Officer Alpha c/o 89th IB 1LT. Jaymark Pamittan, city government department heads Engr. Bernardo Rabanoz, Atty. Chervin C. Paculanang, Nemesio L. Rasgo. Jr., Asst. Department Head Libertad V. Regis, Barangay Capt. Hon. Henry Dela Torre, Jr., ug mga magtutudlo sa Katualan Elementary School.

l M. Lagura
Photos: Aljun Castilla