September 6, 2022 – Opisyal nang gitunol sa Lokal nga Panggamhanan ang one-storey school building na adunay lima (5) ka classrooms ug comfort rooms sa Salvacion Elementary School. Ang maong building ilawom sa budget sa Local School Board sa Lokal nga Panggamhanan sa Panabo na mokantidad og P3.9 million.

Mapasalamaton si School Head Jywell C. Pacaña, atol sa kalihokan tungod iyang nakita ang kamaayo sa gobyerno gikan sa pagplano, pag-implementa, ug pagkonstrak sa maong pasilidad. “In behalf of Salvacion Elementary School, we are much fortunate to build a partnership between DepEd, LGU, and the community. Nakabenepisyo mi sa programang suporta sa edukasyon ni Mayor Joe. Ubay-ubay na nga mga projects ni Mayor na nakapahimulos ang Salvacion ES. Hopefully, these will soon be implemented,” dungag pa ni Pacaña.

Mapasigarbuhon nga gipadayag ni Barangay Captain Anacleto A. Plasabas ang iyahang dakong pasalamat sa mga tao luyo sa katumanan. Ingon pa niya, “Tan-aw nako competitive na atong school and teachers. I expressed my full gratitude to City Mayor for giving us this moment na ma turn over ang mga classrooms karon.”

Wala usab nagpaulahi sa paghatag og mensahe si Executive Secretary Josie Mary G. Relampagos isip representante ni City Mayor Jose E. Relampagos, tungod sa kabag-ohan na iyang nakita sa maong tulonghaan. “Grabe kahayag sa mata na makita ang mga bag-ong classrooms. I hope sa panahon ni Mayor dili lang kani kundi daghan pa na mga DepEd schools ang mahatagan og proyekto saiyang termino. Congratulations usab!”, ingon pa ni Executive Secretary Relampagos.

Sa ulahing bahin, gitapos ang seremonyas sa pagpanghatag og plaque ug mga sertipiko sa mga bisita nga nagapamatuod sa aktibong suporta nga gipadayag alang sa tulonghaan.

Nakigduyog sa kalihokan si PSDS Antonio R. Pasquito Jr., EDS Elden D. Orbet, Engineer III Grace Joy Bitos, Rev. Erene P. Pastor, City Engineering Office, ug mga magtutudlo sa tulonghaan.

lM. Lagura
Photos: A. Castilla