Disyembre 15, 2023- Gipahigayon ang Blessing and Turn-Over Ceremony sa bag-ong Panabo City Dog Pound and Animal Wellness and Birth Control Facility ngadto sa City Veterinary Section ilawom sa pagdumala ni City Veterinarian Dr. John Ray A. Bautista. Nahimutang kini sa Panabo City Veterinary Compound, atbang sa Salvacion Elementary School, Barangay Salvacion, Panabo City.
Gitukod ang pasilidad niadtong tuig 2020 ug nahuman kini sa tuig 2023 pinaagi sa pondo nga gikan sa Department of Agriculture Region XI ug sa Lokal nga Panggamhanan.
Magsilbi usab nga opisina sa City Vet ang bag-ong pasilidad aron mas hapsay pa ang pagdawat sa mga kliyente nga mobisita sa maong buhatan.
Atol sa seremonyas, gilibot ni City Mayor Jose E. Relampagos kauban si Sangguniang Kabataan City Federation President Hon. Julienne Angel V. Capuyan ang tibook nga dakbalay.
Mitambong usab sa kasaulugan si Executive Secretary Josie Mary G. Relampagos, Davao del Norte PAGRO Veterinarian IV Dr. Rommel B. Montiel, DA RFO XI Representative Mark Kenneth E. Dino, CAGRO Senior Agriculturist Ignacio T. Paman, ug ang tibook nga kawani sa opisina sa City Veterinary Section.
#servicetopanaboansservicetoGod
| JET
Photos| A. Castilla
Categorized in Featured