October 25, 2022 – Gi-turnver na sa LGU Panabo nga gipangunahan ni Executive Secretary Josie Mary G. Relampagos ang bagong gi-konstrak nga two-storey school building nga adunay unom (6) ka classroom with comfort rooms sa Cagangohan National High School. Ang maong building adunay budget nga P4.3 Million ilawom sa Local School Board sa Lokal nga Panggamhanan sa Panabo.

Sa unang bahin sa turnover ceremony, mismong si Father Ian Bungabong sa San Agustin Parish ang mihatag og blessing sa maong tulonghaan.

“Today we mark another milestone sa Cagangohan NHS, kani nga proyekto is naka under sa 10-point Executive Agenda ni City Mayor Jose E. Relampagos nga Educational Support”, sulti pa ni Executive Secretary Josie Mary G. Relampagos. “Si Mayor gusto niya daghang mahimong produkto nga propesiyonal diri sa atong siyudad sa Panabo, maong siya naningkamot nga mahatagan og pagtagad ang mga kinahanglanon sa atong DepEd”, dugang pa ni Executive Secretary Relampagos.

Gikalipay usab ni School Head Chonalyn C. Doctora ang pagdawat sa bagong school building sa tulonghaan kay kini magamit sa umaabot nga full opening sa klase karong November 2, 2022. Ingon pa niya, ” It’s a relief kay nag add mig 4 sections kay 45 lang pinakadaghan sa isa ka section tungod sa mando sa DepEd, timing jud kaayo ang proyekto nga gi hatag sa CNHS.”

Pasalamat usab si Barangay Captain Osmundo Micabani sa LGU Panabo sa kanunay nga pagsuporta sa mga kinahanglanon sa Barangay labin na sa pagtagad sa Edukasyon alang sa mga kabataan. “Nakita nato nga maskin dili pa kaayo ning ani kadugay ang Cagangohan NHS pero nakita nato ang development in terms sa suport nga gihatag sa atong LGU. Blessed kaayo ta sa gihatag karon nga bagong gambalay alang sa mga learners”, dugang pa ni Kapitan Micabani.

Sa programa aduna sad gipahitabo nga Oath Taking sa mga bagong opisyales sa School Governing Council sa Cagangohan NHS nga gimugna sa Internal ug External stakeholders sa Barangay.

Anaa ang presensiya nila City Administrator Pedrito A. Misoles, City Engineer Engr. Bernardo Rabanoz Jr., Licensing Officer III Juliet S.Nacario, Barangay Kagawad Julie Rose Alforque Calonia, Edsel Demeterio, Angelito Obiso, PTA President Jumila Mahusay, PTA Vice President Felipe Marces, ug mga magtutudlo sa Cagangohan NHS.

| M. Gentiles
📸 E. Pan & R. Cayas