Nagpahigayon ang Bureau of Fire Protection (BFP) og Community Fire Auxillary Group Training kung diin pagahatagan ang mga piniling personahe sa kada barangay nga mahimong Community Fire Auxillary Group isip katambayayong sa ahensya oras nga adunay hulga sa sunog o kataglaman. Sila ang gina konsidera nga mga First Responder sa Barangay busa pagahatagan sila og saktong kaalam sa mga instructor nga gikan sa BFP aron mahimo silang supesyente.

Mga partisipante sa Barangay New Visayas ang una nga batch sa maong programa. Sila mahatagan og kaalam sulod sa tulo (3) ka adlaw nga training nga gi andam para kanila.

“Usa kini sa sinugdanan na makab-ot nato ang atoang tumong nga gina tawag nga Fire Safe Community,” matod pa ni Acting City Fire Marshal Janeth Mapesos-Lequigan kung diin iyang gipaabot sa mga partisipante nga mag maabtikon sila aron mapugngan ang mga insidenti sama sa sunog gamit ang ilang makutlo sa maong training.

Nagpaabot usab sa iyang support si City Mayor Jose E. Relampagos ngadto sa mga ni partisipar sa programa. Iyang gi say-say nga maningkamot siya nga mahatagan niya og honorarium ang mga Community Fire Auxillary Group members. Naga plano usab si Mayor Relampagos nga hatagan og fire trucks ang mga barangay.

Anaa sa opening program si Provincial Fire Director CINSP Rodolfo B. Alocelja, Prosper Dajalos,JR LRRMO IV Officer, Danilo M.Hernandez CLGOO, ug Hon. Mark Edward Peñas, Barangay Captain sa New Visayas. Ilaha usab gipa abot ang ilang mensahe og suporta sa mga patisipante.

Laoman nga mahuman ang training sa mga Community Fire Auxillary Group members karong Setyembre 30, 2021 ug mo sunod pa ang ubang Barangay sa siyudad sa Panabo.

Gene Alforque – CIO/PIRO