Sa Panabo City, gideklarang drug cleared ang mga barangay San Nicolas ug Upper Licanan atol sa gipahitabong Regional Oversight Committee on Barangay Drug Clearing (ROCBDC) meeting sa Rehiyon XI adtong Hulyo 19, 2022 sa Pavillon Bldg, Capitol Complex, Mankilam. Tagum City, Davao Del Norte.
Kini nagpamatoud sa padayong paglihok sa Panabo City sa administrasyon ni City Mayor Jose E. Relampagos nga mapakgang ang paggamit og illegal nga droga nga maoy makadaot sa usa ka tao ilabi na sa matag pamilya niini.
Hugot nga pahimangno ni Mayor Relampagos sa katawhan sa siyudad sa Panabo sa paglikay ug paghunong sa paggamit sa makadaot nga droga kay dili siya magduha-duha kauban ang PNP-Panabo ug PDEA nga masikop ang kinsa mang gagamit ug gapamaligya niini.
Sa maong kalihokan anaa sila PSMS Randy Sta Maria, PCADU PNCO Panabo City Police Station, Assistant Regional Director, IAV Levi G. Valmoria , PDEA Regional Office XI Jermilynne A. Bartolome, Provincial DOH Office Afif T. Ambor, representante sa DILG, Region XI, PLTCOL Michael Jan M. Peria Deputy Chief RCADD.
Anaa usab ang Barangay Chairman sa Upper Licanan nga si Hon. Orlando B. Bocal Sr. ug Barangay Chairman sa San Nicolas Hon. Angelita B. Rosel.
| 🖊Vincent Jorolan, CIO – SPES
📸: Q. Villahermosa, CIO-Multimedia
