Subay sa 18-Day Campaign to End Violence Against Women, nagpahitabo ang City Government og Gender Sensitivity Training-Seminar para sa ikaduhang batch nga mga barangay GAD focals ug VAWC desk officers adtong Disyembre 04, 2020. Ilang giton-an ang SOGIE bill, RA 7877 Anti-Sexual Harassment Law, ug RA 11313 Safe Spaces Act o “Bawal Bastos Law”.

Ang mga speakers sa aktibidades kay ang GAD Section head nga si Libertad V. Regis ug Administrative Officer IV sa City Legal Office nga si Ma. Victoria R. Canarias-Deiparine.

Nahisgotan sad ni Deiparine ang RA 9262 o Anti-Rape Law, RA 8972 o Solo Parents Welfare Act, ug RA 11210 o Expanded Maternity Leave Law. Diin gihimayhimay og pasabot ang mga prebilihiyo o benepisyo nga gilangkuban sa nahisgutan nga mga balaod.

Matod pa sa mga partisipante nga sila Elenita B. Carisma ug Gaydelle G.Montemor nga nakatabang sa ila ang seminar kay makahibalo sila asa modool ilabi na kung naay mga kaso sama sa nahisgotan ug nakahatag sa ila og “kalamboan” sa ilang panerbisyo isip usa ka opisyales sa barangay.

#VAWFreePH

Margot Lagura | CIO – GIP
MJ Curaming | CIO – GIP
Photo| Ivory Dawn Balogbog | CIO – PIRO