Nagsugod na ang Buenavista Elementary School (BES) sa pagpahigayon og limited F2F class adtong April 22,2022 diin 42 ka mga estudyante gikan Kinder hantod Grade 3 ang mitambong.

Sulod sa duha (2) ka tuig nga natanggong ang mga bata sa ilang panimalay tungod sa pandemya, dili ikalimod nga lahi ra gayud ang pagtudlo kanila sulod sa tulonghaan. Ang kalisod sa sitwasyon sa mga estudyante sa modular nga pagtudlo ang mas naka ingganyo sa mga magtutudlo sa BES nga mapatuman ang F2F class.

Sa maong higayon, gibutyag ni School Head Ulyses T. Macatol nga nga dili kuno sayon ang preparasyon para sa F2F classes. “Naglisod mi sa among preparation tungod kulang mi og classroom. Busa, naningkamot mi nga masunod ang gi-implementa sa IAFT ug Panabo City Health aron luwas usab ang atong learners. Pinaagi usab sa tabang sa Barangay Opisyales ug PTA Officers maong nakab-ot gayud namo nga mapatuman ang F2F class sa BES.”

Gipahimangnoan usab sa Panabo City Health ang tanang tulonghaan nga mi abre na sa klase nga padayunon ang pagsunod sa mga protocol alang sa kaluwasan sa mga bata ug ilabi na ang mabalik na sa normal ang pagtoun sa tanang estudyante nga makakuhag saktong pagtulun-an nga matanyag sa mga tulonghaan.

|I.Balogbog, CIO-PIRO
📸| Rommel Cayas, CIO-MULTIMEDIA