Setyembre 22,2020 | Gipahamtang ang Institutional Assessment alang sa Community Skills Training Livelihood (CSTL) and Entrepreneurship Program sa Bread and Pastry sa Lutos Foundation sa Barangay Gredu, Panabo City.

Usa sa nakabenepisyo sa maong skills training mao si Efril Ross S. Sajulga nga lumulupyo sa Purok Tagumpay, Urban Panhosa, Barangay Gredu Panabo City. Ingon niya, “Usa ko ka online seller sa mga pagkaon ug naga-angkat lang ko. So nagdecide ko nga mo avail ani nga training kay gusto nako ako na ang mohimo sa akong mga baligya ug mo put up sakong sariling business.”

Matod pa ni PESO Manager Cherelle B. Espinosa, “Pagkahuman sa training, magtake sila og exam para makakuha sa ilang national certificate. After nila makuha ang certificate, pwede na sila mo avail sa among Microbiz Incubation Program wherein makakat-on sila sa magput up og sarili nilang business.”

“Maka avail usab sila sa soft loan nga gipahigayon sa PESO ug wala kini interest aron magamit nila sa pag put up sa ilang business. Pwede usab sila namo e–recommend sa ubang company nga related sa ilang training nga gikuha,” dungag ni Espinosa.

Ang Bread and Pastry Skills Training ginapahitabo lang kaisa sa isa ka tuig. Ang pwede lang maka avail sa training mao ang mga naga idad og 21 pataas, certified panaboan, ug adunay “kakugi nga molautay sa maong training.”

Ang Bread and Pastry training gisugdan niadtong September 1,2020 nga adunay 25 ka mga trainee. Ilalom sa institutional assessment mao ang pag Bake ug Cinnamon roll, Lemmon tart ug cake. Aron subay sila sa polisiya sa Department of Health, ang trainees gitunga sa duha ka session.

Alang sa dugang panagutana, mamahimong mobisita sa PESO nga nahimotang sa Panabo Parks and Plaza.

| Mel Hilario CIO-PIRO