BAWAL gihapon mosulod sa mga establishemento ug sa sea wall area ang mga naga edad ubos sa 21 anyos, 60 anyos ug pataas, adunay immunodeficiency, comorbidities ug adunay mga health risks, ug mga buntis subay sa Section 5, Paragraph 3 sa Omnibus Guidelines on the Implementation of Community Quarantine in the Philippines. Gipahibalo nga kining mga indibidwal “shall be required to remain in their residences at all times” (dapat anaa sa ilang mga panimalay sa tanang panahon).

Gipahibalo kini usab sa mga operators sa mga businesses adtong gipatawag nga meeting sa Setyembre 25,2020 ug sa Cagangohan Vendors Association alang sa coastal area (Sea Wall) adtong Oktubre 1,2020. Gisabotan nga dapat kining sundon nila tungod nga sila mao ang pinakahuyang sa COVID-19 base sa mga research studies.

Ang mga establishemento sama sa Gaisano Grand Panabo ug Lots for Less aduna sad patakaran nga mag “No Face Shield, No Entry”. Dili kini pugngan sa City Government tungod pamaagi nila ni sa pagpugong sa pagkuyanap sa sakit. Sila required sad nga magscan sa mga QR codes sa mga manulod aron ma apil sila contact tracing sa gobyerno galing man adunay nagpositibo sa sakit nga misulod sa establishemento.

Sa sea wall, ipatuman sad ang minimum number sa mga manulod tungod sa mga reports nga adunay gatapok-tapok sa lugar. Uban sa pagsabot niini si Barangay Cagangohan Captain Hon. Osmundo Micabani ug ang PNP Maritime ug Coast Guard.

Ang mga operators gihatagan sad og responsibilidad nga magsumbong sa PNP kung adunay mosupak sa polisiya.

| cio/IATF PIO