Ang City Health Office nagreport og unang kamatayon sa usa ka pasyenteng positibo sa COVID-19 karong adlawa October 17,2020. Si PC84, lalake nga 41 anyos nagpuyo sa Barangay Sto. Niño, namatay adtong October 15,2020 sa DRMC. Usa siya ka carinderia owner sa Premiumed Market (Wet Market).

Base sa initial investigation, si PC84 walay travel history gawas sa Panabo City. Matod pa ni Assistant City Health Officer Dr. Eranie L.Pangilinan nga ubay-ubay gyud ang ilahang iimbestigahan sa kadaghan sa mga tao nangadto sa palengke. Ingon niya, “Naa nami list sa stall owners ug numbers. Plan namo iquarantine tanan vendors (ug nagbantay) unya didto na mi mag-identify kinsa ang for swab.”

Mando sad ni Mayor Jose E.Relampagos nga mag operate gihapon ang merkado apan magsayo lang og panira ang alang sa disinfection kada Alas Syete sa gabii.

Sa laing bahin, mag issue na og penalty sa mga wala gasoot og face masks sa mga pampublikong lugar subay sa bagong ordinansa sa Panabo. Mokantidad ang unang offense og P500.00, second offense og P1,000.00, ug third offense og P3,000.00 and imprisonment not more than 30 days.

Kung adunay gibati na mga sintomas sa COVID-19 sama sa kalintura, ubo ug sip-on, walay panlasa, ug sakit ang tutunlan, palihog og text ang Panabo COVID hotline numbers sa 09064400650 o
09516534364.

| cio