Adtong Agosto 10, 2021, nagpahigayon og Coordinative Meeting ang buhatan sa City Environment and Natural Resources (CENRO) kauban ang mga barangay kagawad nga responsable sa Committee on Environment sa Barangay Cacao, Little Panay, Malativas, Kauswagan ug Consolacion.

Sa panagpulong, nahisgutan ang pagmugna og Material Recovery Facility (MRF) human kini girekomenda sa Internal Audit Section ilawom sa City Administrator’s Office.

Na isip nila ang programa tungod sa hangyo sa mga residente kay adunay mga tawo nga nagalabay sa mga bakante nga luna diin nakalapas sa City Ordinance No. 28-05.

Magpahigayon usab og panagpulong sa sunod nga grupo sa mga rural nga barangay sa mga umaabot nga adlaw.

| Tim Acebedo, CIO-PIRO
📸 | CENRO