Marso 17,2021 — Human sa pagkoordinar sa Lokal nga Panggamhanan sa Panabo pinaagi sa City Social Welfare and Development Office (CSWDO) ug Office of the Senior Citizen’s Affairs (OSCA), opisyal na nga giturn-over kay Remegia Bastasa ang P100,000 cash assistance gikan sa Department of Social Welfare and Development (DSWD). Siya gigawaran og Centenarian Award adtong Septyembre 16,2020 subay sa selebrasyon sa iyang ika-100 nga edad. Ang cash assistance personal nang gihatag ni DSWD XI representative Edilberto Jakh Jun B. Alde kauban si Executive Secretary ni Mayor Jose E.Relampagos nga si Josie Mary G. Relampagos ug ni City Councilor Hon. Flopone Royle Catalan nga author sa Centenarian Ordinance sa Panabo.

Mapasalamaton si Nanay Bastasa na iyang nadawat ang cash incentive aron magamit niya kini sa pagpalit og tambal ug uban pang kinahanglanon ni Nanay Bastasa. “Happy kaayo mi nga nadawat ug naabtan pa jud sa akong mama ang P100,000 nga gikan sa National (Government),” matod sa iyang anak nga si Florencia B. Solatorio.

Ang Centenarian Award subay sa Republic Act 10868 o Centenarian Act of 2016 nga naga garantiya sa mag senior citizens nga ni abot og pangidaran nga 100 ang makadawat og cash incentive.

Alang sa uban pang impormasyon, mamahimong mobisita sa OSCA nga nahimotang sa Barangay New Pandan, Panabo City.

|Sonny L. Calizar, CIO-PIRO
📸|Rommel Cayas