OCTOBER 12,2020 – Nahitabo ganihang hapon ang Launching of Resettlement Project CY 2020 Relampagos Village & Ceremonial Signing of Conditional Contract sa mga beneficiary sa Relampagos Village kung diin 140 ka mga informaL settlers sa nagka lain-laing Barangay ang nahatagan og luna aron makatukod og panimalay sa Relampagos Village.
Si City Mayor Jose E. Relampagos personal naghatag sa mga beneficiary sa mga luna atol sa seremonya. Sumala pa niya, dapat kalinaw ang mag patigbabaw sa Relampagos Village aron hapsay ang pamuyo sa mga residente. “Ang tabang sa Gobyerno atong atimanon kay kadugayan mainyoha naman ni. Ang sanitation atimanon ninyo aron malayo kamo sa sakit,” dugang pa ni Mayor Relampagos.
“Nagpasalamat ko og dako ni Mayor nga naa syay programa nga relocation sama ani” ingon ni Annabelle Villarubin nga usa sa naka benepisyo sa Relampagos Village.Gi schedule sa Housing Section ang contract signing sa mga benepisyaryo aron malikayan ang panagtapok sa katawhan og masiguro nga ni sunod sa Health Protocol ang gipahitabo nga seremonyas.
|G. Alforque|Hulagway : E. Pan
Categorized in Featured