September 13, 2022 – Ang LGU Panabo ilalom sa pagdumala ni City Mayor Jose E. Relampagos kauban ang opisina sa City Social Welfare and Development Office nga gipangulohan ni CSWDO Department Head Chareina Joy G. Laquin nagpahigayon og Child Development Teachers Children’s Festival nga adunay tema na: “Quality Teaching for All Amidst Pandemic” gipahitabo kini sa Freedom Gym, Brgy. New Pandan, Panabo City.

Ang Child Development Teachers Children’s Festival usa ka kalihokan nga naglambigit sa mga day care teachers, day care pupils ug mga ginikanan kung diin ilang gipasundayag ang mga talento sa kabatan-onan ilabi na ang ilang self-confidence. Ginapahitabo matag tuig ang programa apan na undang lang kini panahon sa pandemya og karon ang unang pagbalik niini.

Ang Festival adunay mga contest alang sa mga bata, ginikanan ug magtutudlo mao ang;

• Singing
• Oral Declamation
• Pastel Making
• Clay Molding
• Kids Challenge
• Variety Show
• Interpretative Dance

Adunay 30 ka mga kabatan-onan ang mi-partisipar gikan sa Central District, South District ug North District.

Nakigduyog usab sa programa si City Mayor Relampagos kung diin gipaabot niya nga paningkamotan niya nga mahatagan og increase sa sweldo ang mga day care teachers. “Importante satisfied mo sainyong pagtudlo i-compensate nato ang gi-sahod satoa kay people of Panabo ang nagapa-sweldo satoa. Kung dili nato i-compensate mauwaw ta lisod ng sige tag increase unya nay mo ingon na lain kaayo mo tudlo”, ingon pa ni Mayor Relampagos.

Pahimangno usab ni Mayor Relampagos sa mga magtutudlo nga matudloan og good behavior ug good character ang mga bata. “Atoa gyud tudloan og tarong ang bata kay para og asa ang bata mo adto nga school ma appreciate ang inyong Barangay”, dugang pa ni Mayor Relampagos.

Sa kalihokan anaa sad ang presensiya ni Executive Assistant III Jo-anne Relampagos-Capuyan kung diin mi-hatag sad siya og pahalipay sa mga Day Care Teachers ug sa mga estudyante nga mi-partisipar. “Atong buhaton mga day care teachers atong i-encourage atong mga estudyante ug tabangan nato sila nga maabot nila ilang mga pangandoy para makatabang pud sailang pamilya. Mao mani atong role diri sa LGU. Nagpasalamat ko sainyong kakugi, palanggaa inyong trabaho kay para dako mo og contribution sa mga ginikanan sa inyong klase-klaseng barangay”, sigon pa ni Executive Assistant III Jo-anne Relampagos-Capuyan saiyang mensahi.

Nakigduyog sa programa sila CSWDO Assistant Dept. Head Jeanette Lamoste, Melvina A. Domingo, RSW, MSSW Child and Youth Section Head, Leah M. Tonog, PACIDACWA President, miyembro sa CSWDO ug mga hurado sa contest.

| M. Gentiles
📸 R. Cayas