Enero 27, 2022 – Gihisgutan sa programang RaJoe Serbisyo ang kaimportante nga masabtan sa katawhan kung unsa ang Children in Conflict with the Law (CICL) kauban si Social Welfare Officer II Samuel Marlixandro P. Eblamo.
Matod pa ni Eblamo nga sauna, youthful offender o juvenile delinquence ang tawag sa mga CICL, apan na kita sa mga child advocates nga makapaubos kini sa dignidad sa mga kabatan.onan nga mga termino maong sa pagkapasa sa balaod nga RA 9344 o Juvenile Justice and Welfare Act of 2006, gitawag na kini og “Children in Conflict with the Law” alang sa pagrespeto sa mga katungod sa mga kabatan.onan.
Gitandi usab ni Eblamo ang kalahian sa suspek ug CICL, suspek ang tawag sa mga hamtong ug CICL ang tawag sa mga menor de edad o below 18 years old nga napasakahan og kaso ubos sa balaod sa Pilipinas.
Sa pagkakaron, anaa’y onse (11) ka mga residente nga CICL sa Bahay Pag.asa sa Panabo City ug sa kinatibuk.an sukad tuig 2018 adunay 35 ka mga CICL. Gipaningkamotan sa Lokal nga Panggamhanan nga mahatag sa mga CILC ang tanang panginahanglanon nila aron anaa sila’y holistic development ug mamahimo silang produktibo sa ilang pagdischarge. Anaa usab programa ang Lokal nga Panggamhan alang sa ilaha sama sa pagskwela nila sulod sa Bahay Pag.asa.
Sa dugang na kahibalo kabahin sa CICL mamahimong mobisita sa City Government Facebook Page o i-click ang link https://fb.watch/aO2KmMMZeD/.
✍️ Tim Acebedo, CIO-PIRO
📸 | Francis Paculanang, CIO-MULTIMEDIA
