Enero 22, 2024 – Gisugdan sa pagbendisyon ni Rev. Fr. Ronnie Balili ang pag-abri ngadto sa publiko ang bag-ong City Health Office – Out-Patient Deparment (CHO-OPD) Annex sa Lokal nga Panggamahanan nga nahimutang sa Brgy. Little Panay.
Ang Out-Patient Department, magserbisyo para sa mga minor medical cases ug doctor consultation gikan 8:00 sa buntag hantod 5:00 sa hapon ug kung adunay kasong emerhensiya ma-refer ang mga pasyente sa mga dagkong ospital.
Ingon pa ni Acting City Health Officer Dr. Eranie Pangilinan, nga ang pasilidad mas labing pabor sa mga residente sa South Barangays nga nanghinahanglan og serbisyong medikal gikan sa gobyerno.
Sa kasamtangan, ang Infirmary Hospital ginahuwat na lang ang certificate gikan sa Department of Health (DOH) alang sa pagdawat og mga admission nga pasyente lakip na ang pagdugang sa mga kinahanglanon sa ospital.
Diin paman, garbo nga gipaabot ni Mayor Jose E. Relampagos nga ang maong ospital libre kini alang sa mga katawhan sa Panabo ug wala’y bisan piso nga kolektahon gikan kanila.
Dugang pa ni Mayor Relampagos, paningkamotan niya nga mabutangan ang ospital og Dialysis Center, CT-SCAN, ug uban pang mga dagkong laboratoryo.
Sa kalihokan, nagpahigayon usab og Re-enactment of Awards sa mga opisina ug barangay nga nakadawat og ganti gikan sa DOH.
Anaa sa programa sila City Councilor Omar Ranain, Executive Secretary Josie Mary G. Relampagos, Executive Asst. III Jo-Anne Relampagos-Capuyan, mga kapitan ug konsehales sa nagkalain-laing barangay, mga department heads, section heads, mga personahe sa CHO, Engr. Vic Barrios isip representante ni Gov. Edwin I. Jubahib, mga bisita, ug unang pasyente sa CHO-OPD Annex.
#ServicetoPanaboansServicetoGod
|MCG
Photos: A. Castilla
Categorized in Featured