Mibisita ang LGU Cabadbaran City, Agusan Del Norte aron mag-benchmark ug makighimamat sa LGU Panabo City kabahin sa Panabo City Eternal Garden adtong September 21, 2022 sa 3F Function room, Panabo City Hall.

Ang LGU Cabadbaran adunay planong mo-establish og sementeryo sa ilahang lungsod ug nasayran nila ang mga pamaagi gikan sa pagplano, pag-implementa, hangtod sa pagkonstrak na gilatag mismo sa City Economic and Enterprise Management Office sa siyudad (CEEMDO).

Lakip niini, gihisgotan usab sa maong pulong ang mga katibuk-ang panglantaw sa pasilidad ilabina ang gidak-on sa mga bone crypts, land area, mga gasto sa proyekto, mga sanitasyon, mga operations and management nga nagasiguro sa usa ka gobyerno na malampuson ang pagbahin sa kwarta, manpower, ug istraktura. Apil na usab ang mga ordinansa nga napatuman sa lokalidad aron sa hapsay na pag-mintinar sa maong pasilidad.

Sa ulahing bahin, naghatag og usa ka token ang Lokal nga Panggamhanan pinaagi ni City Mayor Jose E. Relampagos isip pasalamat sa ilahang pagbisita ug pagpili nga adtoan na siyudad. Nagpahitabo usab og in-site diin ilahang gibisita ang mismong Panabo City Eternal Garden nga nahimutang sa Barangay New Visayas sunod ang mga lugar nga Panabo City Fish Port, ug Mangrove Forest Park.

Nakigduyog sa pagbisita si City Administrator Pedrito Misoles, mga opisyales sa LGU Cabadbaran City na sila CEO Alexander Casintahan, Reynante Flores, Ludivina Gaid, CAO Marianne Jimenez, CENRO Eva Milan, Mariza Collado, CPDO Roselan Balite, SPO John Paul Famador, CEEMDO Libertine De Paz, Samcidar Magarang, CEEMDO Panabo Antolin Leopardas, Joel Binasbas, Syruss Amisola, CPDO Panabo Avey Sanchez, ug mga personahe sa CMO.

lM. Lagura
Photos: R. Cayas