Sigun sa molo sa kadaghanan mahitungod sa ilegal sidewalk vendor sa bagsakan area duol sa Premiumed Market, nagpahitabo og clearing operation ang buhatan sa Traffic Management Unit kauban ang City Environment and Natural Resources pinaagi sa Solid Waste Management Team adtong Agosto 14,2021.

Gihimo ang maong clearing operation aron maloag ang agianan sa mga sakyanan daplin sa Flyover. Gipangusgan sa Traffic Management Unit ug sa CENRO ang aksyon isip tubag sa reklamo sa mga manggugulay vendors nga nanghinaot na maplastar ang tanan aron hapsay ug patas ang paagi sa pagpanginabuhi.

Matod pa ni Mayor Jose E. Relampagos na suportado niya ang tanang indibidwal nga nanginabuhi apan hangyo niya sa katawhan na mosubay sa saktong paagi sa balaod aron walay maapaketohan na laing nanginabuhi. “Hinaot na kita mga Panaboans, magtinabangay alang sa kalamboan sa siyudad ug sa tagsa tagsa na pamuyo,” dugang niya.

Padayon ang duha ka oposina sa pag inspeksyon sa maong area aron sa kalinaw ug kahapsay niini.

|Ivory Dawn Balogbog, CIO-PIRO
📸| CENRO