Gatusan ka mga empleyado ang misalmot sa gipahigayon nga coastal clean-up drive sa Lokal nga Panggamhanan sa Siyudad sa Panabo niadtong Setyembre 7, 2019 sa Brgy. Cagangohan, Panabo City. Subay kini sa ika-119 nga selebrasyon sa anibersaryo sa Philippine Civil Service nga adunay temang “Civil Service at 119th: Upholding Integrity and Building a High-Trust Society” ug International Coastal Clean-up (ICC) Day.
Mahinumduman nga unang nagpahigayon ang Lokal nga Panggamhanan sa Panabo ug coastal clean-up drive niadtong Hulyo 13 diin ubay-ubay ka sako sa basura ang nakolekta.Sa pagbalik sa mga empleyado sa baybayon, aduna gihapon daghang basura nga nakita ug nakuha.
Busa, hangyo ni City Human Resource and Management Office Head Henry M. Esparagoza nga mahimong disiplinado ug dili magpataka ug labay ang katawhan sa siyudad sa Panabo. Kung mahimo, didto lang sa tamang labayanan sila mo butang sa ilang mga basura unya i-segregate jud ang malata ug dili malata. Dugang pa niya nga dakong problema ang nagkatag ug nagsagol nga dili malata o mga plastic, sanglit nga nakita sa mga eksperto nga puros plastic ang sulod sa tiyan sa mga napalgang patay nga isda nga nidagsa sa baybayon.
Matod pa usab ni Roberto Lagarteja gikan sa City Economic Enterprise Management and Development Office (CEEMDO) nga ang mga taong aduna’y negosyo daplin sa baybayon, mag-atiman sa mga basura labi na sa mga nabilin sa ilang mga customer aron dili kini maanod sa dagat. Dugang pa niya nga kinahanglan gayod nga magtinabangay aron mahimong limpyo ang palibot labi pa ang mga residente sa lungsod sa Panabo.
Matod pa usab ni Roberto Lagarteja gikan sa City Economic Enterprise Management and Development Office (CEEMDO) nga ang mga taong aduna’y negosyo daplin sa baybayon, mag-atiman sa mga basura labi na sa mga nabilin sa ilang mga customer aron dili kini maanod sa dagat. Dugang pa niya nga kinahanglan gayod nga magtinabangay aron mahimong limpyo ang palibot labi pa ang mga residente sa lungsod sa Panabo.
