Gipahitabo sa City Environment and Natural Resources (CENRO) ang coastal clean-up drive sa mga barangay Cagangohan ug San Pedro kauban ang pakig-alayon sa usa ka grupo nga United Motorcycle Club of adtong Abril 8, 2022.

Ang maong kalihokan dakong tabang sa pagprotekta sa kinaiyahan sa Panabo ilabi na sa kadagatan. Nagpasalamat usab ang opisina sa CENRO sa tanang mga mitambong nga riders nga namunit og basura ug nanlimpyo sa Seawall and Park, nga nahimutang sa Barangay Cagangohan ug kilid sa kabakhawan sa Barangay San Pedro.

Dugang niini, nanghinaot si City Mayor Jose E. Relampagos kauban ang CENRO nga daghan pa ang magpakabana sa pag-amping sa kinaiyahan ug gidasig usab ang katawhan sa Panabo nga likayan ang pagpataka og labay sa mga basura bisang asa.

✍️ Tim Acebedo, CIO-PIRO
Graphics| Francis Paculanang, CIO-MULTIMEDIA