Gisugdan sa isa ka roadshow ang opisyal nga pag-abri sa Community Based Monitoring System (CBMS) kung diin adunay mga enumerator ang mo bisita sa matag balay sa siyudad sa Panabo aron maghimo og survey ug maghatag sa komunidad sa tukma nga pagbanabana sa kaayohan sa tibuok populasyon.

Pagasugdan karong Disyembre 7, 2022 ang pinaka- unang pag survey sa mga enumarator sa kada Barangay. Mao kini ang mga butang nga ilang pagahimoun oras nga anaa na sila sa inyung mga panimalay:

• Ipasabot ang mga katuyoan sa pagsurvey ug ang ilang mga pamaagi sa mga tawo nga interbyuhon.
• Pag-interpret sa mga pangutana sa interbyu aron matabangan ang mga tawo sa pagsabut niini ug paghatag og maayo nga mga tubag.
• Tabangan ang mga tawo sa pagpuno sa mga porma sa survey ug pagpatin-aw sa mga butang sa mga porma sa survey.
• Susihon ang impormasyon sa mga porma sa survey o information pad aron masiguro ang katukma sa impormasyon.

Nagpahigayon usab og programa sa City Hall Lobby kung diin mihatag sa iyang mensahi si Philippine Statistic Authority Statistical Specialist II Charielle Mae Catigara, matod pa niya, “We are glad that the city of Panabo continues to the see the necessity of establishing and adopting the CBMS, especially now that this is under Philippine Statistics Office.”

Mihatag usab si Acting City Planning Officer Felix Senajon sa iyang mensahe diin ang Planning Office ang mangusog sa maong programa. “Dili ni para lang sa PSA, sa LGU Panabo para maka capture og data banking purposes this is a reference to the development of the City as a whole.”

Duyog sa kalihokan ang Bureau of Fire Protection( BFP) , PNP Panabo, ug United Motors Club Association, City Information Ofiice ug mga Departments Heads sa LGU Panabo.

Sa ulahing bahin mihatag sa iyang closing remarks si City Administrator Pedrito A. Misoles ug iyang gipahinumdom sa tanang katawhan ang pag sugod sa survey ug siya nanghinaot nga tama ang mga datos aron mahatag ang haom nga mga katuyuan sa tanang katawhan.

Duyog sa kalihokan si Mayor Jose E. Relampagos, Bureau of Fire Protection( BFP) , PNP Panabo, ug United Motors Club Association, City Information Ofiice ug mga Departments Heads sa LGU Panabo.

| Gen Alforque – CIO, Research Unit
📸| Q. Villahermosa – CIO, Multimedia Unit