Gisugdan ni adtong Hulyo 6,2020 ang Shield Metal ARC Welding (SMAW) nga usa sa gitanyag sa Community Skills Training Livelihood and Intreprenuership Program sa PES diin adunay 25 ka trainee matag-adlaw. Aron matuman ang health standard, adunay 13 ka trainee sa buntag ug 12 ka trainee sa hapon.
Ilalom sa Shiled Metal ARC Welding na training, giklaro ni Focal Person Lovielyn B. Arcayan-Paot nga: “Aside sa nagtuon sila sa welding, ginaprepare pud namo sila sa tinood na pagpanarbaho diin dili lang sila nagabuhat ug “pipe” and “plate” bagkos nagabuhat pud sila ug project susama sa steel rack na pwede gamiton sa training center isip butangan sa mga gamit.”
Gibutyag usab ni Paot nga tagaan dayon sila og Certificate of Training human sa ilang training aron magamit nila sa pagpanarbaho. Motabang usab ang Lokal nga Panggamhanan sa pagpasulod nila og trabaho kung sila mo graduate na.”
Usa sa naka-avail sa SMAW training mao si Lina Lae T. Rojas, 32 anyos, nga lumulupyo sa Barangay Southern Davao, “Kini ang akong gikuha na training kay in-demand ug dali lang ko makatrabaho inig mo graduate ko. Biskan usa ako ka babae kaya usab nako buhaton ang tabaho sa mga lalaki. Patience, hardwork, focus, ang kinahanglan sa maong training.”
Ang Training Center nahimotang sa Barangay Datu Abdul ug sa kasamtangang ginapahigayon ang ubang training susama sa Automotive, Security Servicing, Bread and Pastry, Massage Therapy, ug Caregiving sa uban pang training center.
Laoman nga sa Agosto 7, 2020 mahuman ang first batch sa maong training.
| Mel Hilario CIO-PIRO
Categorized in Featured