Kahugyaw na gipakita sa mga representante sa LGU Panabo ang ilahang kalipay human gi-anunsyo isip overall champion sa gipahitabong Pag-asa Youth Association of the Philippines 15th Sociocultural Competition adtong September 28, 2022 sa Davao del Norte Sports and Tourism Complex, Tagum City.

Wala usab nagpalupig ang 11 ka mga LGU sa probinsya sa Davao del Norte sama sa Kapalong, Tagum City, Panabo City, San Isidro, New Corella, Sto.Tomas, Carmen, Braulio E. Dujali, Island City Garden of Samal, Talaingod, ug Asuncion nga nakigkombate sa mga panag-indigay na Vocal Solo, Spoken Poetry, Poster Making, Quiz Bee, Vegetable Garden, Neo-Ethnic Dance Competition, Infomercial, ug Video Making Advocacy.

Sa ulahi, milabaw ang Panabo City sa pagpakita sa ilahang pagpaningkamot na modaog sa tanang kompetisyon.

VOCAL SOLO
(Champion)
Nil Gabriel Boloron

SPOKEN POETRY
(1st place)
Dacelle Ezra Dawad

POSTER MAKING
(Consolation prize)
Jericho Refuela

QUIZ BEE
(Champion)
Mitz Celmar

John Vincent Tulayan
NEO-ETHNIC DANCE
(Champion)

PYAP Southern Davao
INFOMERCIAL
(Champion)

PYAP San Francisco
VIDEO MAKING ADVOCACY
(Champion)

VEGETABLE GARDEN
(Champion)

Atol sa kalihokan aduna usab oathtaking alang sa bag-ong PYAP Presidents sa matag LGU lakip na ang mga bag-ong opisyales sa Empowerment and Reaffirmation of Paternal Abilities (ERPAT).

Nagpaabot og mensahe si Gov. Edwin I. Jubahib pinaagi kay Executive Secretary Newell De Ramos, sulti pa niya na ang maong kompetisyon mahimong usa ka paagi na makahulma og lideres isip mga kabatan-onan. Dugang pa niya, “Ang atong gobyerno adunay dakong suporta alang kaninyo. Ako nanghinaot na inyong (ibutang) sa inyong talampakan na ang kalisod dili usa ka dakong babag sa pagkab-ot sa inyong pangandoy.”

Nakigduyog sa kalihokan si PG Department Head Rosalinda O. Rapista, PSWDO Asst. Head Jeffrey Calamongay, PYAP President Ruber D. Enggo Jr., PYAP Regional Focal-DSWD Jerome Gumbao, ERPAT President Norberto B. Cajes, mga hurado na sila Grace Santa T. Daclan, Albert D. Eñano, Jerry Ben V. Sasam, Neil Edward D. Diaz, mga PSWDO representatives, CSWDO PYAP Focal Sheila Mae Lapasan, mga miyembro sa ERPAT, ug mga PYAP Panabo Presidents.

lM. Lagura
Photos: R. Cayas