March 19, 2022 — Gigawaran sa Nation Builders and MOSLIV Awards si City Mayor Jose E. Relampagos og Honorary Local Chief Executive of the Year Award (Blue Category) ug gigawaran usab ang siyudad sa Panabo og Most Sustainable and Liveable City (Blue Category) sa tibook nasod. Gipahitabo ang kalihokan sa OKADA Manila, Parañaque City.

Gidedikar ni Mayor Relampagos ang mga award sa tanang taga-Panabo tungod sa panaghiusang pagtinabangay padulong sa kalamboan. Sa iyang mensahe, iyang gipaabot kanila iyang slogan nga “Service to Panaboans, Service to God.”

Isip representante ni Mayor Relampagos, si Executive Assistant III Jo-Anne R. Capuyan ang midawat sa maong mga award kauban si City Administrator Pedrito A. Misoles, City Legal Officer Atty. Chervin C. Paculanang, City Budget Officer Joven M. Sepe, CPA, City Human Resource Management Officer Jan Mari G. Cafe, CGADH I (Assistant City Civil Registrar)/GAD Head Libertad V. Regis, ug City Information Officer Michael Angelo A. Resueño.

Usa usab si DavNor Governor Edwin I. Jubahib ang nakadawat og award isip Governor of the Year ug Most Sustainable and Liveable Province alang sa probinsiya sa Davao Del Norte.

#NationBuildersAndMoslivAwards2022
#PanaboCity
#RelampagosCares

| CIO Panabo
📸 DavNor PICKMO
🎥 Nation Builders & Mosliv Awards