LOOK | Gisugdan sa makapadasig nga mensahe sa pag-selebrar sa National Bible Month ang Monday Convocation program sa Lokal nga Panggamhanan sa Panabo nga gi-sponsoran sa City Health Office (CHO) nga gipangulohan ni Acting City Health Officer Dr. Eranie Pangilinan.

Gipadayag karong buntaga pinaagi sa video presentation ang mga nabuhat ug kalampusan ilalom sa opisina sa City Health Office (CHO) gikan sa tuig 2022.

Lakip sa paghatag og kalampusan sa CHO, gipaabot usab ni Acting City Health Officer Dr. Eranie Pangilinan ang iyang pagpasalamat sa mga personahe sa CHO sa ilang kanunay na pagserbisyo sa katawhan ug paghatag sa maayong trabaho.

Atol sa programa, gihatagan usab og pasidungog si Jargie Camposo Sr. sa Public and Employment Services Office (PESO) Panabo nga graduate sa 2nd Batch Slaughtering Operations NC II sa tuig 2019, tungod sa iyang pag-donate og Chain block para sa Slaughter House sa Panabo City.

Miduyog sa kalihokan ang mga empleyado sa LGU Panabo ug mga kliyente nga adunay transaksyon sa City Hall.

| MCG
📸 A. Castilla